INDMO, I.P. NO SEFOPE ALIÑA NIA ESTRATÉJIA DEZENVOLVIMENTU FORSA TRABALLU HO INISIATIVA REJIONÁL SIRA.
Dili, 29 Agostu 2023 – Diretora INDMO, I. P. Sra. Isabel Fernandes de Lima, hasoru malu ho Sekretáriu Estadu Formasaun Profisional no Empregu S.E. Rogério Araújo Mendonça, hodi informa konaba INDMO,I.P. Sei organiza the 1st Timor-Leste International Skills Week, ne’ebé sei hala’o husi loron 23 to’o 27 fulan-Outubru tinan 2023.
Durante sorumutuk ne’e, Diretora mos apresenta konaba prioridade INDMO,I.P nian ba tinan lima (5) mai, no fo rekomendasaun atu asegura nafatin forsa traballu ida-ne’ebé ho kualidade, inkluzivu no reziliente iha Timor-Leste.
Esforsu hirak-ne’e ho objetivu atu rezolve kestaun dezempregu no falta abilidade la’os de’it iha nasaun laran maibé mós iha rejiaun. Tópiku prinsipál ida-ne’ebé diskute durante sorumutuk ne’e mak implementasaun roadmap for ASEAN integration , liu-liu foka ba edukasaun téknika vokasionál no formasaun (TVET), sirkulasaun mobilidade laboral, no rekoñesimentu ba abilidade sira.
