INDMO, I.P. sei organiza the 1st Timor-Leste International Skills Week iha fulan Outubru tinan ne’e.
Dili, 6 Agostu 2023 – Diretora INDMO, I.P., Sra. Isabel Fernandes de Lima, foin lalais ne’e aprezenta progresu no rezultadu husi planu asaun anuál ba tinan 2023, hamutuk ho despeza orsamentál sira, ba Vise-Primeiru-Ministru, Ministru Koordenador Asuntus Ekonomikus, no Ministru Turizmu no Ambiente S.E. Francisco Kalbuadi Lay.
Iha oportunidade ne’e mos Diretora apresenta ba Vise Primeiru Ministru eventu sira ne’ebé INDMO,I.P. sei organiza the 1st Timor-Leste International Skills Week iha Dili, hahú husi loron 23 to’o 27 Outubru 2023. Nune’e mós, apresenta ba Vise PM konaba importánsia haruka kompetitor sira ba tuir kompetisaun World Skills Asia iha Abu Dhabi iha tinan ida-ne’e.
Aprezentasaun ne’e hala’o durante sorumutuk entre S.E Vise PM Francisco Kalbuadi Lay no ajénsia autónoma hotu-hotu ne’ebé iha nia tutela tuir Orgánika Governu Konstitusional da sia (9) nian.
