INDMO, I.P., ATUALIZA INFORMASAUN BA MNEC KONA-BA SERIE EVENTU TVET IHA TIMOR-LESTE.
Dili,1 Setembru 2023, Diretora INDMO, I. P. Sra. Isabel Fernandes dé Lima, halo audiensia ho Vise-Ministra ba Asuntu ASEAN, Excelência Milena Rangel, hodi informa konaba planu INDMO,I.P atu organiza SEAMEO VOCTECH- Governing Board Meeting (GBM) ba da-34TH no the 1st Timor-Leste International Skills Week ne’ebé sei hala’o iha loron 23 to’o 27 fulan-Outubru tinan 2023.
Iha oportunidade hanesan, Exelência Vise Ministra ba Asunto ASEAN mos hato’o nia apresiasaun ba inisiativa sira ne’ebé INDMO, I.P. no nia parseiru sira foti no promete apoiu ba nesesidade sira ne’ebé integra iha eventu ne’e. Iha semana internasional abilidade Timor-Leste nian mak eventu importante ida ho objetivu atu promove dezenvolvimentu abilidade no edukasaun vokasionál iha Timor-Leste.
