INDMO,I.P. HO CARE LIU HUSI PROJETU REVISTA LAFAEK DISKUTE NO PROMOVE FETO NIA LIDERANSA IHA NIVEL HOTU-HOTU.
Dili, 15 fulan Setembru– Atividade Jornalista Ki’ik ne’ebé implementa ona husi CARE nia projetu Lafaek no foka liu ba promosaun feto nia lideransa iha nivel hotu-hotu iha nivel sosiedade.
Iha Atividade ne’e CARE ho nia projetu konvida estudante eskola primaria na’in tolu atu sai hanesan jornalista ki’ik hodi entrevista Diretora Instituto Nacional de Desenvolvimento de Mão-de-Obra, Instituto Público ka INDMO, I.P. Sra. Isabel Fernades de Lima hodi koalia no deskute kona ba lideransa feto iha nivel hotu iha sosiedade.
Atividade ne’e ho objetivu atu hasa’e estudante sira nia abilidade atu koalia iha fatin públiku no mos atu fo oportunidade ba lider feto sira atu inspira feto no labarik feto sira seluk no fahe sira nia esperiensia durante jornada ba susesu iha kareira.
Diretora INDMO, I.P. sente orgullu no apresia tebes tanba bele hetan oportunidade nu’udar feto hodi fahe esperiensia lideransa nian no kontente iha entrevista ida ne’e hamutuk ho jornalista ki’ik sira hodi inspira no prepara sira atu hahu mehi no hanoin hodi sai lideransa ne’ebé diak iha futuru.
