INDMO REALIZA AVALIASAUN ANUAL 2021

Instituto Nacional de Desenvolvimento de Mão-de-Obra (INDMO) realiza programa Avaliasaun anual 2021  loron rua iha Municipiu Liquica.

Programa avaliasaun ne’e nudar atividade regular, kada tinan Instituto Nacional de Desenvolvimento de Mão-de-Obra (INDMO) sempre realiza.

Programa avaliasaun anual  ne’e ho ninia objetivu ; atualiza ba malu rezultadu no progresu ezekusaun programa no atividade nebe planea ona ba tinan 2021 husi kada unidade nebe pertense iha institutu; identifika dezafiu, obstaklu, problema, no oportunidade sira nebe enfrenta hela dadaun; propoin solusaun no rekomendasaun ba melhoria prestasaun serbisu institutu nian iha tinan hirak nebe mai.

Iha programa avaliasaun anual 2021 ne’e aprezenta tuir sesaun nebe planeadu husi komisaun organizadora  mak  hanesan :

• Ezekusaun programa no atividade tinan fiscal aprejenta husi jerente programa planu no relasaun publika  Sra. Jaquelina Sarmento ;
• Ejekusaun Orsamentu tinan 2021 aprezenta husi Pontu Fokal administrasaun no Finansas Sr. Henrique Correia ;
• Servisu lisensiamentu operasional no akreditasaun aprezenta husi Jerente Programa Akreditasaun no sertifikasaun Sr. Amandio Belo;
• Kualifikasaun Nasional no Sosializasaun sistema TVET, aprezenta husi Jerente Programa Kualifikasaun no rekursu Sr. Paulino Albino;
•  Konkursu Nasional Aptidaun 2021 aprezenta husi Koordenador Konkursu Nasional Aptidaun Sr. Amandio Belo;
• Servisu peskiza no Monitorizasaun aprezenta husi Jerente Programa  Peskija Sr. Arlindo da Costa;
• Servisu Sertifikasaun kompetensia aprezenta husi  Jerente Programa akreditasaun no sertifikasaun  Sr. Amandio Belo no Sr. Fortunato Assunção Ofisial Senior Sertifikasaun ;

Hafoin aprezenta sesaun hirak ne’e hamosu perguntas nomos iha  diskusaun husi funsionariu sira hodi halo konkluzaun no hadia hamutuk failansus sira nebe maka INDMO hasoru iha tinan anterior.

Molok halao aprezentasaun hirak ne’e  Diretora INDMO sra. Isabel Fernandes de Lima hato’o nia liafuan badak hateten, tamba hotu-hotu nia komitmentu iha servisu fatin mak bele garante sustentabildade Instituisaun INDMO ba  oin diak liu tan.

Programa avaliasaun annual ne’e lao durante loron tolu nebe hahu iha loron 14 desembru no remata iha 17 desembru 2021.

Alem de husi Atividade ne’e mos iha programa adisional balun Nebe INDMO realiza hanesan Reflesaun no misa Agradesementu nebe prezidi husi Amo Selebrante Rev. Pe Acacio de Castro, SDB.

Atividade Programa avaliasaun anual INDMO 2021 lao diak no susesu, no hetan partisipasaun husi Assesor MCAE Sr. Abilio Serreno, Koordenador jeral Expo Dubai Dr. Manuel Vong, Diretora INDMO Sra. Isabel Fernandes de lima, Jerente programa INDMO no Funsionariu INDMO tomak.

”Media  INDMO”