Ajénsia Autonómo nebe tutela ba MCAE selebra Ksolok Natal Hamutuk
Kinta feira, loron 23 desembru 2021 funsionariu Instituto Nasional de Desenvolvimento de Mão-de-Obra (INDMO) hamutuk ho funsionariu husi Instituisaun Autonómo publiku sira nebe tutela ba MCAE, selebra Natal hamutuk Ho MCAE iha Centru formasaun CNEFP Tibar.
Selebrasaun natal hamutuk hanesan reflesaun ida nudar sarani katolika, hamutuk hodi simu ksolok natal 2021 no tinan foun 2022, ho esperansa ida sai sidadaun no ajente servidor povu nebe diak, hanoin foun ho atetudi foun hodi hakat ba iha tinan foun 2022 kontribui no dezenvolve Timor-leste nebe diak liu.
Ba oportunidade kmanek, Diretora INDMO Sra. Isabel Fernandes de Lima nudar reprezentante Instituisaun tuteladas ba MCAE iha nia diskursu hateten, agradese ba sua excelencia Eng. Joaquim Amaral, Ministru Koordenador Asuntu Ekonómikos (MkAE) hamutuk ho ninia estrutura tomak nebe akompanha ona ajensia tutela sira bele konsege atinji metas sira nebe planeia iha 2021 no sei kontinua nafatin alkansa estrategia diak liu tan iha tinan oin.
‘’ ba oportunidade ne’e reprezenta Instituisaun tuteladu sira, hakarak hato’o agradese ba Sua excelencia Sr. Ministru hamutuk ho estrutura tomak MKAE nian nebe akompanha ona ami, konsege atinji objetivu jeral balun nebe atinji tuir ami nia planu anual 2021 nian , no ami sei kontinua nafatin alkansa estratejia nebe diak liu tan bai ha tinan oin 2022,’’ Hateten Diretora INDMO.
Nune’e mos iha selebrasaun natal hamutuk ne’e Ministru Koordenador Asuntu ekonómikos (MKAE) Sua excelencia Eng. Joaquim Amaral hato’o nia agradese tomak ba Instituisaun tuteladas sira, ba tinan ida ne’e halao servisu nebe hasoru desafius boot iha ambitu pandemia Covid 19 nebe invade mundu tomak inklui Timor-Leste maibe ho esforsu tomak bele atinji servisu sira ne’e ho presentajen nebe difinitivu.
Seremonia selebrasaun Natal hamtuk ne’e partisipa husi funsionariu Instituisaun tutela nebe kompostu husi ; INDMO, Sentru Senai Becora, CNEFP Tibar, Serve IP, IGT, Centru Bambu Timor-Leste, Alfaesa IP, CLN, Trade Invest Timor-Leste, Gabinete MKAE, asesor no entidades sira seluk.
“Media INDMO”
