INDMO PARTISIPA IHA SEREMONIA GRADUASAUN SENTRU FORMASAUN Ir.CARLOS GAMBA SDB- FATUMACA

Segunda-feira loron 20-12-2021  ekipa Instituto Nacional de Desenvolvimento Mão-de-Obra (INDMO) hamutuk ho Diretora INDMO Sra. Isabel Fernandes de lima, halao viajen trabalho  ba Municipiu Baucau hodi  partisipa iha seremonia graduasaun formando tinan akademiku 2020 iha sentru Formasaun Ir. Carlos Gamba SDB fatumaca.

“ ita tenke iha enerjia nafatin disiplina ba iha formasaun professional partes importante tolu nebe presiza banati tuir, ita iha kuenesementu deit la naton, ita iha  abilidade ka skill deit la naton, maibe ita nia attitude mos importante nune’e bele katak  komprova ita kompetente  ka lae,” Hateten Diretora iha fatin seremonia graduasaun.

Iha fatin hanesan Sr. Vicente Marçal da silva nudar reprezentante inan-aman husi formando sira  hato’o agradese ba INDMO, tamba iha tinan ne’e bele loke  Konkursu Nasional aptidaun nebe fo oportunidade ba sira nia oan hodi kompete no ikus konsege hetan klasifikasaun  ba iha primeiru lugar konkursu Nasional Aptidaun.

‘’hau  agradese ba INDMO, nebe iha tinan ida ne’e loke konkursu Nasional Aptidaun nebe fo oportunidade ba ami nia oan sira hodi kompete, nebe ho rejultadu ami nia oan sira sai vensedor iha konkursu ne’e, nune mos fo hau nia obrigadu no agradese  ba Sentru no Formador sira nebe ho didikasaun ita boot sira nian, ami nundar inan aman simu deit rejultadu  husi oan sira nia susesu.’’ Dehan Sr. Vicente Marçal  iha fatin seremonia graduasaun.

Nia mos salenta tan katak formandu sira  presiza tenke halo revolusaun mentalidade  labele sai Objectu ba dezenvolvimentu maibe sai sujetu ba desenvolvimentu.

Entertantu Formandu sira partisipa formasaun  durante tinan ida, nebe hahu husi  2020 no remata iha fulan desembru 2021.

Formandu sira ne mai husi konstrusaun jeral nebe kompostu husi area Pedreiru, Eletrisidade, Kanalizasaun, karpintaria no soldadura ho total graduadu sira hamutuk nain  tolu nolu (30)  feto nain nen (6) no mane rua nolu resin hat (24)  sertifikadu nebe atribui ba formandu sira mak sertifikadu  nivel um (1) no dois (2)

Seremonia graduasaun ne’e partisipa husi  Diretora INDMO sra. Isabel Frenandes de lima, jerente programa INDMO, Diretor DNAFOP-SEFOPE Sr.Mateus W. dos Santos Tallo, reprezentante Prezidenti Autoridade  Municipiu Baucau, Formador no  inan aman husi formandu  no entidade sira seluk.

“Midia INDMO”

Share on
  •  
  •  
  •  
  •  
  •  
  •  
error: Deskulpa !!!