KOICA APRESIA SERVISU INDMO IHA IMPLEMENTASAUN CBT

Dili, kinta-feira, INDMO simu audensia ho Delegasaun Ajénsia Kooperasaun Internasionál Korea (KOICA). Objetivu principal husi audiensia mak atu esplora informasaun kona-ba definisaun no sertifikasaun kompetensia, akreditasaun fornesedór formasaun no avaliasaun kompetensia nebe implementa husi INDMO.

Politika, planu, prosedimentu no dadus sira nebe institutu partilla nudar referensia ba konkluzaun relatóriu estudu viabilidade projetu Reforsu Sistema Ensinu Sekundariu Tekniku no Vokasional (ESTV) iha Timor-Leste. Projetu ne’ebe KOICA implementa bazeia ba akordu entre MEJD no KOICA.

Iha inkontru ne’e Delegasaun KOICA apresia tebes servisu INDMO nian iha implementasaun programa formasaun bazeia ba kompetensia (Competency Based Training-CBT) no involvimentu reprezentante industria 60% iha elaborasaun no definisaun unidade kompetensia iha  kuríkulu  formasaun nian.

Delegasaun KOICA nebe chefia husi Sra Sookjin  Byun,   Diretor Adjunto KOICA Timor-Leste no delegasaun INDMO lidera husi Sr. Amandio Belo, Jerente Programa Akreditasaun no Sertifikasaun no Delegadu Tekniku Timor-Leste ba Worldskills Asia.

“Media INDMO”

Share on
  •  
  •  
  •  
  •  
  •  
  •  
error: Deskulpa !!!