SORUMUTU INDMO, I.P HO INSTITUTO NACIONAL DE SAÚDE PÚBLICA DE TIMOR-LESTE (INSP-TL)
Ministériu Saúde liu husi Instituto Nacional de Saúde Pública de Timor-Leste, Instituto Público (INSPTL, I.P) iha loron Segunda-Feira 21 Fevereiro 2023 vizita INDMO, I.P hodi realiza reuniaun ho ekipa INDMO, I.P iha salaun enkontru INDMO, I.P nian iha Bairro-Pite, Dili.
INSP-TL, I.P nia objetivu iha sorumutu ho INDMO, I.P, mak atu buka hatene informasaun husi INDMO, I.P., kona-ba kriteria sira ne’ebé mak sentru formasaun profisionál ida presiza atu prense hodi hetan lisensiamentu operasionál, akreditasaun institusionál no akreditasaun ba tipu kursu no nível formasaun. Alénde ne’e, ko’alia mos asuntu kona-ba kritériu atu sai formador iha sentru formasaun ida, oinsa INDMO, I.P. sertifika formador, dezenvolvimentu padraun kompeténsia (kuríkulu formasaun), área produtiva preferensiál ba formasaun profisionál iha setor saúde nian no seluk-seluk tan.
Ba futuru INSP-TL, I.P., kompromete, prontu kolabora ho INDMO, I.P hodi trata asuntu formasaun profisionál iha setor saúde nian no iha área produtivu oi-oin ne’ebé mak liga ho setor refere.
Enkontru ne’e partisipa husi Diretora instituto INDMO, I.P., Sra. Isabel Fernandes de Lima, no akompañia husi assesor jurídiku Sr. Paulo Martins, assessor reforsa Institusionál Sr. Aqueles Salvador Guterres no jerente planu no parseria Sra. Jaquelina de Aitara Sarmento,
Media INDMO, I.P
