INDMO,I.P ORGANIZA SORUMUTU DAHULUK KONSELLU KONSULTIVU.
Dili 17 Fevereiru 2023, Instituto Nacional de Desenvolvimento de Mão-de Obra , Instituto Público (INDMO,I.P), organija sorumutu dahuluk konsellu konsultivu, iha sala enkontru CNEFP-Tibar, Liquica.
Sorumutu ida ne’e ofisialmente abertura husi Presidente Konsellu Konsultivu atual Diretora INDMO, I.P Sra.Isabel Fernandes de Lima.
Objetivu prinsipal husi sorumutu ida ne’e mak INDMO, I.P hakarak fo agradesementu ou apresiasaun ba Presidenti no membru komisaun ezekutiva sira ne’ebé remata ona mandatu, durante ne’e apoiu ona servisu iha komisaun ezekutiva tinan sanolu resin tolu liu ba.
Nune’e mos ba membru konsellu konsultivu foun INDMO, I.P hakarak atu partilla informasaun servisu institusional, aprezenta kona-ba padraun sira, Decreto-lei INDMO, I.P funsionamentu konsellu konsultivu INDMO, I.P no halo eleisaun hodi hili Secretário Konsellu Konsultivu iha INDMO, I.P.
Funsaun Secretário Konsellu Konsultivu mak sei hala’o kna’ar hamutuk ho Presidenti konsellu konsultivu no membru konsellu sira hodi hala’o servisu konsellu konsultivu nian.
Entertantu rejultadu ba eleisaun ne’e Sr. Augosto Pereira atual Diretor E.S.T.V (MEJD) mak konsege eleitu hodi asumi responsabilidade nu’udar Secretário Konsellu Konsultivu INDMO,I.P ba mandatu tuir mai.
Iha sorumutu ne’e jerente programa INDMO, I.P aprezenta padraun no planu asaun anual ba membru konsellu konsultivu sira mak hanesan ;
- Planu Asaun Anual 2023 no nia custeamento
- Licenciamento Operacional, Akreditasaun Institusional no Akreditasaun Tipu Kursu no Nivel Formasaun
- projetu Procedimento Definisaun Padraun Kompetensia
- Perkursu Nivel Formasaun husi kada padraun kompetensia iha setor produtivu hotu
- projetu Kriasaun Komisaun Espesializada.
Iha ámbito Enkontru konsellu konsultivu Sr. Nilton Paiva nudar membru konsellu konsultivu no atual Diretor Executivo Agencia Nacional Para a Avaliasaun E Acreditação Academica, Instituto Público (ANAAA, I.P) fo agradese ba INDMO, I.P nebe fo konfiansa hodi assumi kna’ar nu’udar membru konsellu konsultivu hodi servisu hamutuk desenvolve abilidade timor oan sira iha formasaun tekniku profisional iha Timor-Leste.
INDMO, I.P mos entrega sertifikadu apresiasaun ba Vice-Presidente sesante no membru Komisaun Ezekutiva ne’ebe ho nia objetivu nudar agradesementu ba apoiu tomak hodi servisu hamutuk ona iha INDMO, I.P durante tinan sanolu resin .
Konsellu konsultivu kompostu husi Presidenti Konsellu Konsultivu Sra. Isabel Fernandes de Lima, Secretário Konsellu Konsultivu Sr. Augosto Pereira husi MEJD, Sr. Paulo Alves Membru konsellu konsultivu (SEFOPE), Sr Nilton Paiva,Membru konsellu konsultivu (ANAAA, I.P), Sr.Fransisco Da Costa Fernandes Membru Konsellu konsultivu (KSTL), Sr. Simão Tito Barreto membru konsellu konsultivu reprezenta Fornesedor Formasaun Profissional (FFP) iha Timor-Leste, no Sr, Franquelino da Costa Freitas, membru konsellu konsultivu husi (CCITL).
Media INDMO, I.P
