INDMO-MCAE-TIC Timor Lansa Website INDMO
Dili, 22 Novembru 2021, Iha 22 novembru 2021, Ministro Coordenador dos Assuntos Económicos (MCAE), Senhor Eng. Joaquim Amaral, ofisialmente lansa ona portal elektroniku INDMO nian, hafoin INDMO simu ona transferensia jestaun portal nian husi Tecnologia Informação e Comunicação (TIC) IP.
Diretora INDMO relata katak portal eletroniku nebe dezenvolve ona ho nia fins mak atu hafasil asessu husi publiku no parseriu ba padraun sira kontrolu kualidade formasaun profisional, akreditasaun no sertifikasaun nian, no hato’o regularmente informasaun sira konaba dezenpenu insitutu nian. Nia mos komenta katak estabelese website mos nudar materia ida husi komprimisu institutu nian kona-ba dijitalizasaun informasaun no dados sira hanesan preve ona iha Planu Estratejiku INDMO 2019-2023. Webiste ne’e dezenvolve husi TIC Timor bazeia ba akordu tekniku nebe asina ona entre INDMO no TIC Timor iha Novembru 2020.
Partisipa ona iha lansamentu website ne’e, Secretário Estado Formasaun Profisional no Empregu, Senhor Alarico de Rosário; Secretário Estado ba Promosaun Igualidade no Inkluzaun, Senhora Maria José da Fonseca Monteiro de Jesus; Presidente Câmara do Comércio e Indústria (CCI-TL) Senhor Oscar Lima); Diretor Executivo TIC Timor, Senhor Roberto Caetano de Sousa Vicente; embaixadores sira husi Portugal, Austrália no Nova Zelândia no seluk tan); reprezentante ensinu tekniku no formasaun profisisional sira; reprezentante emprezas no industria no parseiru dezenvolvimentu nasional no internasional sira seluk.
INDMO enviziona atu sai institutu publiku autônomo nebe forte liu, konsistente, digitalisado, no sustentável hodi prezerva integridade sistema edukasaun tekniku no formasaun profisional (TVET, sigla iha ingles) iha Timor-Leste iha 2023.
#Media INDMO#
