APACC SERTIFIKA TIMOR-OAN SAI AKREDITOR INTERNASIONAL
Iha loron 22 novembru 2021, INDMO no MCAE entrega sertificado akreditor Komisaun Akreditasaun no Sertifikasaun Ázia Pasifiku (APACC, sigla iha Inglés) nian ba timor-oan nain 3 (tolu). Sira mak hanesan Senhor Agostinho da Costa Cabral, Senhora Alexandrina Verdial de Sousa Gama, no Senhor Pe. Acácio Domingos de Castro, SDB. Iha tempu hanesan entrega mos sertifikadu atendimentu ba partisipantes nain 18 (sanulu resin ualu) APACC Accreditors’ Training for Timor-Leste halo ona virtualmente, husi loron 23 to’o 27 Agostu 2021.
Diretora INDMO, Senhora Isabel Fernandes de Lima, iha nia intervensaun konfirma katak programa sertifikasaun akreditor sira nudar parte ida husi implementasaun Nota Entendimentu (MOU, sigla iha ingles) nebe asina ona entre INDMO no APACC iha 15 Novembru 2019; iha ámbitu preparasaun insitutisaun ensinu tekniku no formasaun vokasional (TVET, sigla iha Inglés) Timor-Leste nian, atu hetan akreditasaun konforme Manual Akreditasaun husi APACC. Nia mos akresenta katak akreditor hirak nebe selesiona ona sei apoia programa akreditasaun APACC nian iha Timor-Leste no nune’e mos nasaun membru APACC nian.
Sertificado Akreditor APACC no partisipante sira entrega direta husi Ministro Coordenador dos Assuntos Económicos (MCAE), Senhor Eng. Joaquim Amaral; Secretário Estado Formasaun Profisional no Empregu, Senhor Alarico de Rosário; Secretário Estado ba Promosaun Igualidade no Inkluzaun, Senhora Maria José da Fonseca Monteiro de Jesus; Presidente Câmara do Comércio e Indústria (CCI-TL) Senhor Oscar Lima; embaixadores sira husi Portugal, Austrália no Nova Zelândia.
Partisipa ona iha eventu ne’e, reprezentante instituisaun TVET sira; reprezentante emprezas no indústria no parseiru dezenvolvimentu nasional no internasional
#Media INDMO#
