INDMO, I.P., NO SEFOPE HALA’O VIZITA TRABALLU IHA DARWIN-AUSTRALIA
Delegasaun Governu Timor-Leste Kompostu husi Sekretária Estadu Formasaun Formasaun Profisionál no Empregu (SEFOPE) no Instituto Nacional de Desenvolvimento de Mão-de-Obra, Instituto Público, (INDMO, I.P) hala’o vizita traballu durante semana ida iha Darwin-Australia.
Vizita ofisial delegasaun Governu Timor Leste ba iha Darwin-Australia hahu iha loron 20 to 24 Marsu 2023.
Objetivu delegasaun nian ba iha Darwin-Australia nian mak Sorumutu koperasaun iha Areas potensial sira liu-liu liga ba Technical and Vocational Education and Training (TVET, Sigla Ingles), ba areas oin-oin hanesan agrikultura, hotelaria no peskas.
Iha ámbitu sorumutu futuru koperasaun TVET, delegasaun Timor-Leste hala’o mos sorumutu ho Charles Darwin University (CDU), vizita no halo observasaun ba fasilidades Aged Care iha Charles Darwin University (CDU, Sigla Ingles).
Alende ne’e INDMO, I.P ho delegasaun Timor-Leste vizita mos Traballadores Timor oan sira nebe dadaun ne’e servisu hela iha area peskas iha Darwin-Australia, no partisipa mos iha atribuisaun sertifikadu ba Diretor /Jestor sira no Formadores husi sentru formasaun nebe akreditadu husi INDMO, I.P iha Timor-Leste, nebe mak durante semana tolu (3) ona tuir kursu iha Darwin-Australia.
Entertantu Delegasaun Timor-Leste nebe Partisipa iha sorumutu Internasional iha Darwin-Australia kompostu husi Sekretariu Estadu ba Formasaun Profisional no Empregu (SEFOPE), Excia Sr. Alarico do Rosário hamutuk Diretores SEFOPE no Diretora Instituto Nacional de Desenvolvimento de Mão-de-Obra, Instituto Público, (INDMO, I.P) Sra. Isabel Fernandes de Lima.
Média INDMO, I.P
