GOVERNU TIMOR-LESTE NO PARSEIRU DEZENVOLVIMENTU SIRA HAHU PREPARA REKURSU ADEZAUN TIMOR-LESTE NIA  BA ASEAN.

Dili, 10 Marsu 2023 Diretora Instituto Nasional de Desenvolvimentu de Mão-de-Obra Instituto Públiku (INDMO, I.P) Sra. Isabel Fernandes de Lima hamutuk Ajensia autonomu sira seluk partisipa iha reuniaun atualiza kona-ba Timor-Leste nia progresu adezaun no integrasaun ba ASEAN.

Reuniun entre parseiru dezenvolvimentu sira ho Governu Timor Leste ne’e halao iha   iha salaun auditória kayrala Xanana Gusmao Ministeriu Finansas (MoF) Aitarak laran Dili.

Reuniaun ne’e  prezidi husi Ministra Negósius Estranjeirus no Kooperasaun Timor-Leste Sra. Adaljiza Albertina Xavier Reis Magno, hamutuk ho Ministru Koordenador Assuntu Ekonómiku Eng. Joaquim Amaral.

Objetivu husi reuniaun ne’e atu mobiliza rekursu nebe Governu Timor leste iha no mos parseiru dezenvolvimentu sira nebe antes ne’e kumprimitido ona atu ajuda adezaun Timor leste ba futuru.

Asuntus sira deskute iha Reuniaun ne’e foku liu  ba Timor-Leste nia harmonizasaun ho estrutura no padraun-sira hosi pilár tolu ASEAN nian, hanesan: Pilár Polítiku-Seguransa Komunidade ASEAN, Pilár Ekonómiku Komunidade ASEAN ho Pilár Sósiu-Kulturál Komunidade ASEAN.

Enkontru  ne’e partisipa masimu husi liña Ministeriál-sira, Korpu Diplomátiku-sira, Nasoens Unidas ho Ajénsia Espesializada no Organizasaun Internasionál-sira.

Média INDMO, I.P

Share on
  •  
  •  
  •  
  •  
  •  
  •  
error: Deskulpa !!!