INDMO, I.P. no ME Aselera Dupla Sertifikasaun ba Graduadu Eskola Ensino Sekundáriu Jerál Sira
Dili, 7 Agostu 2023 – Diretora INDMO, I.P. Sra. Isabel Fernandes de Lima, hasoru malu ho Sekretáriu Estadu Ensinu Sekundáriu Jerál no Tékniku Vokasional S.E Domingos Lopes Lemos, hodi diskute atu aselera implementasaun Memorandu Entendimentu (MOU) ne’ebé asina entre Ministériu Edukasaun no INDMO, I.P, iha inísiu tinan 2023.
Enkontru ne’e nia foku prinsipál mak atu aselera implementasaun atribuisaun dupla sertifikasaun ba graduado ESTV sira. Sertifikasaun dupla ne’e refere ba sistema ida-ne’ebé estudante sira simu kualifikasaun akadémiku no vokasionál bainhira remata sira-nia edukasaun.
Aprosimasaun ida-ne’e ho objetivu atu fornese edukasaun di’ak ba estudante sira ne’ebé kombina koñesimentu teóriku ho abilidade prátika, hodi hasa’e sira-nia empregabilidade no perspetiva karreira.
