INDMO, I.P., IOM, NO ENTIDADE PUBLIKA NO PRIVADA PORTUGÉS KOMPROMETE ATU PROMOVE GOVERNASAUN DI’AK BA MIGRASAUN TRABALLU
Dili, 5 Setembru 2023 – INDMO, I.P. hasoru malu ho reprezentante International Organization for Migration (IOM) Portugal, Instituto Emprego Formação Profissional (IEFP) no setór privadu husi Portugal hodi diskute no ko’alia kona-ba prátika di’ak balun ne’ebé bele promove governasaun di’ak ba migrasaun traballu ba Portugal.
Inklui define no implementa padraun kompeténsia lubuk ida-ne’ebé komprensivu ba formasaun língua, abilidade téknika no profisional ba timor oan sira. Nune’e iha futuru bele asegura traballador migrante sira iha kualifikasaun no abilidade nesesáriu atu responde ba ezijénsia sira husi merkadu traballu Portugal nian.
Aleinde ida-ne’e, promove sistema sertifikasaun ida-ne’ebé rigorozu ba kandidatu sira ne’ebé nu’udar traballador migrante atu verifika sira-nia kualifikasaun no abilidade. Ida ne’e sei ajuda harii konfiansa entre empregadór no trabalhador sira no asegura traballador migrante sira servisu iha pozisaun sira ne’ebé korresponde ho sira-nia abilidade. Sorumutu ne’e fasilita husi Misaun IOM no Embaixada Portugal iha Dili.
