INDMO ATRIBUI SERTIFIKADU BA FORNESEDOR FORMASAUN
Iha loron 22 novembru 2021, INDMO entrega simbolikamentu sertificado lisensiamentu operasional no akreditasaun ba fornesedor formasaun profisional sira iha Timor-Leste.
Sertificado sira entrega direta husi Ministro Coordenador dos Assuntos Económicos (MCAE), Senhor Eng. Joaquim Amaral; Secretário Estado Formasaun Profisional no Empregu, Senhor Alarico de Rosário; Secretário Estado ba Promosaun Igualidade no Inkluzaun, Senhora Maria José da Fonseca Monteiro de Jesus; no Presidente Câmara do Comércio e Indústria (CCI-TL), Senhor Oscar Lima.
Sertificado foin lalais entrega ba Diretor no reprezentante sira husi CNEFP Tibar; CNFP Becora; CEFTEC Dili; IADE; DBTC Comoro; Sentru Formasaun Polisia Nasional Tiimor-Leste Comoro; CF Quesadhip Ruak; Community Housing Limited (CHL); LELI Training Center; Korean Studies and Culture Center (KKCC); Telekomunikasaun Indonesia International (TL),SA; no Sentro Formasaun Jornalismu – Timor-Post. To’o ohin loron, INDMO rejista ona sentru akreditadu hamutuk 27 (rua-nulu-resin-hitu) no sentru ho lisensa operasional hamutuk 93 (sia-nulu-resin-tolu).
Partisipa ona mos iha eventu ne’e, embaixadores sira husi Portugal, Austrália no Nova Zelândia; Magnífico Reitor sira estabelesimentu ensinu superior; reprezentante emprezas no industria; no parseiru dezenvolvimentu nasional no internasional sira seluk.
#Media INDMO#
