Fornesedor formasaun profissional profisional iha Timor-Leste tenke submete ba avaliasaun no a akreditasaun husi Estadu Timor-Leste konforme SNQ-TL. INDMO ne’e nudar institutu Estadu nian ne’ebé iha vokasaun atu kontrolu kualidade sentru fornesedor formasaun profisional sira, inkluizivamente kursu no nível formasaun sira. Funsaun ne’e, preve ona iha alínea c) husi artigu 4.º iha Dekretu-lei n.º 8/2008, 5 marsu, konjuga ho artigu 8.º, 9.º no 10.º husi Dekretu-lei n.º 36/2011, 17 agostu.
Sentru fornecedor formasaun sira ne’ebé foin loke, presiza halo rekerimentu ba INDMO atu instituto refere, ho abrigu ba nia atribuisaun legal, realiza avaliasaun dahuluk ba dokumentu ne’ebé submete no avaliasaun daruak in loco, karik kumpri rekizitu mínimu sira ne’ebé hatur iha SNQ-TL, sei hetan sertifikadu lisensiamentu operasionál eh akreditasaun inisiál. Validade lisensiamentu ka akreditasaun inisial vale ba tinan rua. Atu hetan sertifikadu lisensiamentu operasionál eh akrediasaun inisial, kandidatu sentru fornecedor formasaun profisional sira presiza kumpri rekizitu mínimu sira nebé hatúr iha artigo 9.º husi SNQ-TL, mak hanesan: a) Misaun institusional tenki aproriadu eh kapaz atu bele realiza formasaun profissional sira; b) Existe orgaun diresaun no jestaun ne’ebé klaru iha nia estrutra, klaru iha kompeténsia órgaun sira nian no apár ho objetivu instituisaun nian, iha indikasaun klaru ba reitor eh diretór executivo responsável eh ulun-bot instituisaun nian; c) Síklu estudu, ka programa sira, kursu ka módulu eh formasaun profissional básika, hotu-hotu tenki apár ho misaun ne’ebé deklara ona iha alínea a) nian; d) Kuríkulu sira tenki la’o tuir kritériu mínimu sira ne’ebé maka determina ona husi entidade tutela no, se laiha, husi Konsellu Tékniku SNQ-RL nian. Iha INDMO ezije padraun kompeténsia ne’ebé defini no aprova husi INDMO eh padraun kompeténsia hatoo husi sentru atu hetan aprovasaun iha Komisaun Ezekutiva INDMO nian; e) Formador ka equipa manorin sira tenki iha kualifikasaun ka esperiénsia iha formasaun vokasionál eh profissional ne’ebé maka rekoñese husi INDMO sempre, pelumenus, sira nia nível kualifikasaun tenki aas liu formandu sira nian; f) Estabelesimentu sentru formasaun profisionál nian tenki kumpri ezijénsia sira ne’ebé maka INDMO determina. Katak infrastrutura tenki iha nia estatutu (arenda ka nain rasik nian), iha espasu diak no dignu atu utiliza, iha rekursu materiál sufisiente no kapaz atu apoia formasaun profissional nian (material teorika no ba prática iha laboratóriu eh fatin apropriadu).
Atu fasilita implementasaun ba lisensiamentu no akreditasaun nian, INDMO dezenvolve ona mata-dalan rua: ida ba prosesu avaliasaun no lisensiamentu eh akreditasaun inisiál no ida seluk ba prosesu akreditasaun ba kursu no nível formasaun ka sertikasaun nian iha sentru formasaun nebe akredita ona. Iha prosesu sira nebe temi iha leten, insitutu envolve reprezentante empreza bo’ot, mediu ka ki’ik sira; peritu nasional no internasional, ofisial senior sira institute nian; no ministeriu relevante sira.
