Bemvindu mai Portal INDMO…
Ita hotu hatene katak Institutu Nasional Dezenvolvimentu Mão-de-Obra (INDMO) nu’udar institutu publiku ne’ebe hari bazeia ba Dekretu-lei no. 8/2008, 5 marsu, ho ninia tarefas prinsipais mak defini padrões no kompetensia liuhusi Sistema sertifikasaun kona-ba formasaun profisional tuir padraun nasionais no internasional ho forma efikaz, efisiente no transparante.
Nu’udar institutu nasional ne’ebe tuteladu iha Ministru Koordenador Asuntus Ekonomiku ninia mahon, haktuir Diploma Ministerial No. 50/2020, 16 dezembru ho ninia kompetensia balun, promove kriasaun empregu ho formasaun profisional, hau fiar katak portal ne’e sei fo resposta ba publiku hodi hatene ho diak kona-ba saida mak instituisaun ne’e halo tiha ona hodi hasae produtividade serbisu ba ninia sidadaun.
Ikus liu, ho portal nee ita bele promove ona Sistema formasaun ne’ebe iha kualidade liuhusi produsaun mão-de-obra ho kualifikasaun a’as hodi kompete iha merkadu traballu nasional no internasional.
Timor-Leste tenke ba oin!
Eng. Joaquim Amaral
Ministru Koordeandor Asuntu Ekonomiku
