INDMO Partisipa Sorumutu Ajensia Fokal APACC 2022
Dili, 12 Abril 2022 INDMO hamutuk ho ajensia fokal husi nasaun sira seluk nebe iha parseria ho Asia Pacific Accreditation and Certification Commission (APACC) partisipa sorumutu Ajensia Fokal APACC 2022 nebe hala’o virtualmente.
Sorumutu ne’e realiza ho intensaun atu hametin liu tan servisu parseria no ligasaun entre ajensia governu sira, hasa’e sensibilidade, no enkoraja apoiu atividade APACC hobenefisiu diak ba fornesedor formasaun profissional sira iha ida-idak nia nasaun.
Durante sorumutu ne’e, APACC no focal agencies sira diskuti ona materia sira kona-ba renovasaun Nota de Entedimentu entre APACC no ajensia fokal sira husi nasaun iha Azia no Pasifiku, nomeasaun Kordenador Nasional Akreditasaun APACC. Antes termina sorumutu ne’e, reprezentante sira diskute mos area sira ba kolaborasaun nian hafoin partisipante sira aprezenta atualizasaun “TVET quality Assurance” husi nasaun ida-idak nian nebe iha parseria ho APACC.
APACC nudar ajensia rejional akreditasaun no sertifikasaun estabelese liu husi Deklarasaun Seoul 2004, iha nebe Colombo Plan Staff College (CPSC) nudar organizasaun nebe lidera. Nia projeta atu fornese servisu akreditasaun no sertifikasaun internasional hodi hasoru sistema jestaun instituisaun ensinu tekniku no formasaun profisional (technical and vocational education and training-TVET) nebe kualidade. Nia mehi mak hasae kualidade instituisaun TVET sira atu produz forsa traballu nebe kompetente no ho kualidade a’as. Konsidera mos funsaun no papel, INDMO no APACC asina akordu ho APACC iha 15 Novembru 2019 nebe permite atu fornesedor formasaun profisional Timor-Leste nian atu sujeita mos avaliasaun no akreditasaun husi APACC.
Too oras ne’e agências focais APACC hamutuk 16 (sanuluresinnee) mak hanesan Afeganistaun, Bangladesh, Bhutan, Fiji, Filipinas, India, Malazia, Maldives, India, Pakistaun, Mongola, Myanmar, Nepal, Pakistaun, Papua Nova Guinea, Srilanka, Tailandia no Timor-Leste.
#Media INDMO#
