INDMO PARTISIPA SEREMONIA GRADUASAUN IHA SENTRU FORMASAUN CDC-BAUCAU
Sesta-feira 17/01/2022 ekipa INDMO partisipa seremónia Graduasaun Agrikultura Geral periodu dala sanolu resin rua, nebe realiza husi sentru Formasaun Agrikultura-CDC Triloka Baucau.
Sentru Formasaun Agrikultura ka Centro de Desenvolvimentu Comunitário (CDC) Baucau nudar Sentru Formasaun nebe servisu parseria hamutuk ho SEFOPE no INDMO.
Sentru formasaun CDC Baucau nudar sentru formasaun nebe akreditadu husi INDMO, estabelese atu fo formasaun ba foin sa’e sira nebe hili dalan hakarak aprende iha area Agrikultura Geral (ortikultura).
Molok atu tama ba ajenda seremonia graduasaun ekipa sira sei vizita haleu resintu CDC Baucau hodi hare direta rejultadu produsaun formandu sira nian nebe durante ne’e sira kria.
Ba oportunidade Sra. Lidvina Tilman nebe reprezenta Diretora INDMO iha nia diskursu ba seremónia graduasaun ne’e, husu ba formandu sira atu uza didiak matenek nebe sira hetan iha formasaun ne’e hodi ba compete ba kampu servisu rai liur ka iha rai laran.
“wainhira buat nebe mak imi hetan ka matenek nebe imi hetan ho didiak bele iha vantajen boot ba ita boot sira para atu bele compete iha servisu rai laran maibe mos servisu iha rai liu nebe ligadu ho esperensia lubuk ida nebe imi hetan ona iha formaasaun nee,’’ dehan Sra.Lidvina Tilman.
Total Formando ba iha Graduasaun periodu dala sanolu resin rua iha Sentru Formasaun CDC Triloka Baucau hamutuk ema nain tolu nolu resin rua (32) kompostu husi feto nain 13 no mane nain 19, Graduadu sira ne’e hahu formasaun iha fulan Setembru 2021 tno remata iha Desembru 2021.
Seremonia Graduasaun ne’e hetan partisipasaun husi Diretor Geral SEFOPE Sr. Paulo Alves, Reprezentante INDMO Sra. Lidvina Tilman, Komandante PNTL Baucau ,Komandante F-FDTL Baucau, Reprezentante Prezidenti Autoridade Municipio Baucau, Prezidenti Board CDC Baucau, Diretor DNAFOP-SEFOPE Sr.Mateus W. dos Santos Tallo, Lider Komunitaria no Inan aman husi graduadu sira.
#Media INDMO#
