INDMO NO APTC ASINA AKORDU PARSERIA BA DESENVOLVIMENTU ABILIDADE NO TVET IHA TIMOR-LESTE
Iha Loron 8 fulan Marsu 2022, Instituto Nasional de Desenvolvimento Mão-de-Obra (INDMO) no Australia Pacific training Coalition (APTC) asina ona akordu parseria liu husi Online.
Asina akordu online entre parseriu desenvolvimentu rua ne’e atu desenvolve abilidade no TVET iha Timor Leste.
Metas ba Asina akordu ne’e mos nudar projeta kolaborasaun servisu atu hametin Sistema edukasaun no formasaun Tekniku no profissional (TVET, sigla iha Ingles), no apoiu formasaun dezenvolvimentu abilidade ba sidadaun ba Timor oan sira.
Parseria entre INDMO no APTC, regulador TVET iha Timor-Leste no autoridade nasional kualifikasaun , sei kontribui ba mellora rezultadu empregu ba graduadu TVET tantu iha Nasional no Internasional hodi hasae kapasidade Institusional , nune’e mos hasai advokasia ba tvet no dezenvolvimentu abilidade.
Ida ne’e sei foka oportunidae mobilidade laboral iha Timor-leste no rai liur nian, rekunesementu kualifikasaun Timor-Leste , reforsa kapasidade Formador no asesor TVET atu fornese kualifikasaun nasional no hasae perfil TVET nudar dalan kareira nebe viavel ba graduadu timor oan sira.
Parseria dezenvolve ona ho baje ba akordu bilateral nebe asina ona entre Governu Timor-Leste no Australia iha fulan jullu 2021.
Asina akordu parseria entre INDMO no APTC nian konta ho prezensa reprezentante husi MCAE, SEFOPE, no Embaisada Austrália nian Iha Timor-Leste.
#Media INDMO#
