INDMO-MCAE ENTREGA SERTIFIKADU APRESIASAUN BA CHÉF TIMORENSE
Dili, 23 Novembru 2021, Instituto Nasional de Desenvolvimento Mão-de-Obra (INDMO) no Ministro Coordenador dos Assuntos Economicos (MCAE) iha 22 Novembru entrega sertifikadu apresiasaun ba Chéf António Cepeda husi Sentru Treinamentu Vizaun Juventude (STVJ) Comoro no Chéf Cesar Lourdes husi Restaurante Mr. Frango hafoin halo nia sira servisu nebe Autoridade Nacional do Expo Dubai (ANED) fo ba sira iha Expo Dubai iha outubru 2021.
Chéf nain rua (rua) ne’e selesiona husi (INDMO) hamutuk ho Autoridade Nacional do Expo Dubai 2020 (ANED 2020) no Ministério do Turismo, Comércio e Indústria (MTCI) iha meados tinan ne’e.
Durante iha Dubai, União Emirado Árabe, Chéf timorense sira prepara no halo aprezentasaun ha-han tradisional tipika Timor-Leste nian iha Expozisaun Dubai 2021 mak, hanesan katupa; tukir na’an bibi; ikan saboko, hakmerik no ha-han seluk tipika timorense nian. Iha ambitu prepasaun no aprezentasaun, sira nain 2 (rua) mos iha oportunidade servisu hamutuk ho Chéf sira husi Flight Emirates Catering and Faragon Restaurant iha Dubai.
Marka prezensa iha serimonia entrega sertificado ne’e, Secretário Estado Formasaun Profisional no Empregu, Senhor Alarico de Rosário; Secretário Estado ba Promosaun Igualidade no Inkluzaun, Senhora Maria Jose da Fonseca Monteiro de Jesus; Presidente Câmara do Comércio e Indústria (CCI-TL) Senhor Oscar Lima; embaixadores sira husi Portugal, Austrália no Nova Zelândia no seluk tan; reprezentante ensinu tekniku no formasaun profisisional sira; reprezentante emprezas no industria no parseiru dezenvolvimentu nasional no internasional sira seluk.
#Media INDMO#
