INDMO ATUALIZA PLANU PROGRAMA TINAN 2023 NIAN BA MCAE
Diretora INDMO, I.P Sra.Isabel Fernandes de lima nebe akompaña husi Asesor Reforsu Institusional INDMO nian, Sr. Aqueles S. Guterres, Assessor Jurídico INDMO, I.P, Sr. Paulo Soares Martins no Assesor pontu fokal ba INDMO Sr. Abilio Serrano, iha loron Kinta-Feira, 13 Janeiru 2023 ne’e hala’o enkontru inisial tinan 2023 nian ho S. Ex.ª Ministru Koordenadór ba Asuntus Ekonómikus (MKAE), Eng. Joaquim Amaral iha Gabinete MCAE, Pálasio do Governo Díli.
Asuntus importante sira nebe hato’o iha enkontru maka INDMO atualiza informasaun sira relasaun ho planu atividades nebe sai prioridade hodi implementa iha periodu tinan 2023, husu S. Ex.ª Ministru Koordenadór ba Asuntus Ekonómikus (MKAE) nia disponibilidade hodi hola parte iha seremonia asina Memorando de Entendimento (MdE) Entre MEJD ho INDMO, I.P no seremonia Atribuisaun Sertifikadu ba Fornesedor Formasaun Profisional (FFP) nebe realiza husi INDMO, iha loron Kinta-feira, 26 Janeiro 2023 iha Academia de Policia, Comoro.
Informa mos ba Público katak asina nota Memorando de Entendimento (MdE) Entre MEJD ho INDMO, I.P ho nia objetivu prinsipal maka atu hametin koperasaun entre parte rua iha setór dezenvolvimentu ESTV, no promove kualidade mão-de obra, hadi’a diak liu tan intregral iha ESTV, nudar fatin mão-de obra nebe preparadu ba iha ezijénsia merkadu laboral iha nivel nasionál no internasionál .
Média INDMO, I.P
