PROJEITU LEI INDMO (DEKRETU-LEI NU.8/2008 LORON 5 FULAN-MARSU) APROVA ONA IHA INKONTRU KONSELLU MINISTRU
Tuir komunikadu imprensa husi Prezidénsia Konsellu Ministru sigla iha lian Portugués (PCM) Iha loron13 fulan Maiu 2022, inkontru konsellu Ministru konsege aprova ona projetu lei Institutu Nasionál Desenvolvimentu de Mão-de-Obra (INDMO) nebe halo alterasaun da toluk.
Projetu Lei refere aprezenta husi Ministru Koordenadór Asuntus Ekonómikus, Sua excellencia Eng.Joaquim Amaral.
Objetivu husi alterasaun Iei ne’e maka atu aumenta servisu INDMO nian, hodi konkretiza programa sira ne’ebé INDMO maka responsavel. Nune’e Governu konsidera importante tebes hodi hametin institutu ne’e, liu-liu husi reestruturasaun ba ninia órgaun sira no servisu nian, hodi ajusta kompeténsia órgaun nian sira no previzaun tarfea sira ne’ebé sai responsabilidade husi servisu sira ne’e. Husi sorin seluk, hakarak mós atu armoniza atribuisaun INDMO nian ho Sistema Nasionál Kualifikasaun (SNK-TL) no atu adekua estatutu husi institutu públiku ida-ne’e ba regra iha Dekretu-Lei nu. 30/2020, loron 29 fulan-jullu, kona-ba Organizasaun Administrasaun Direta no Indireta Estadu nian.
Inkontru konsellu Ministru lidera husi Vise-Primeira-Ministra Sra. Armanda Berta dos Santos, no hetan partisipasaun husi Ministru no ministra sira, Diretor/a husi ajénsia autonomo tutela, husi INDMO mak Diretora INDMO Sra. Isabel Fernandes de Lima, nebe akompaña husi Jurista INDMO Sr. Paulo Soares Martins no jerente Programa Sr. Amandio livio belo.
#Média INDMO#
