GIZ DESPEDIDA INDMO

Dili, Segunda-feira loron 13 desembru 2021 ne’e    Germany Agency for International Cooperation, sigla Ingles, (GIZ) halao vizita mai iha INDMO hodi halao Inkontru ho Diretora INDMO Sra. Isabel Fernandes de Lima no jerente Programa sira, Inkontru ne’e halao iha edefisiu INDMO Bairo Pite Dili.

Vizita GIZ ba INDMO hanesan vizita despedida ho INDMO tamba GIZ sei termina ona misaun servisu iha Timor-Leste iha 31 desembru fulan ne’e.

Iha inkontru, parte GIZ fo Agradese ba Instituto Nacional de Desenvolvimentu Mão-de-Obra (INDMO) nebe durante ne’e servisu hamutuk ona ho rezultadu maka dezenvolve ona kualifikasaun Nasional ba Area maritima.

Ba oportunidade Diretora INDMO Sra. Isabel Fernandes de Lima fo  nia apresiasaun ba kolaborasaun, GIZ nia  servsiu  durante ne’e  no  ho esforsu nebe makas konsege desenvolve duni padraun kompetensia ba Area maritima nian, no esperansa ba iha futuru  iha posibildade  estabelese  sentru formasaun nebe mak adequadu  ho kualidade liu hodi  fornese  formasaun no  kapasita Timor oan sira  iha Timor-Leste.

Germany Agency for International Cooperation, sigla Ingles (GIZ) nudar  Ajensia International   husi Alemanha, nebe durante ne’e  halao ona ninia servsiu  iha Timor-Leste iha area Maritima no  servisu parseria mos ho Instituto Nacional de Desenvolvimento Mão-de-Obra (INDMO) nebe  desenvolve kompetensia ba area maritima .

”Media INDMO”