TIMOR-LESTE PARTISIPA IHA TECHNICAL COMMITTEE MEETING WSA
Tersa-feira loron 25/1/2022, Senhor Amandio Livio Borges Belo, Delegado Tekniku Timor-Leste ba Worldskills Asia (WSA) partisipa ona iha Technical Committee Meeting WSA nebe halo virtualmente.
Ajenda prinsipal sira ba sorumutu ne’e mak atu aprova ou ratifika lista abilidade sira (skills) nebe nasaun membru WSA sira sei kompete iha WSA Competitions 2023 nebe sei realiza iha Kualu Lumpur, Malazia. Konkursu ne’e fahe ba categoria, 4 (hat), hanesan Youth Category ho modalidade 26 (ruanuluresinnen), Junior Category ho modalidade 9 (sia), no Future Skill Category modalidade 4 (hat). Skills sira ne’e inklui ona abilidade foun sira nebe liga ho setor ekonomia Azia nian. Abilidade industria nebe identifika ona ba WSA Competitions 2023 mak hanesan, teknolojia informasaun no komunikasaun, agrikultura, turizmu no ospitalidade, eletricidade no soldadura, pedreiru no finalizasaun interior, petroleu & gás no seluk tan.
Hafoin sorumutu ne’e, ba media INDMO, Senhor Amandio Livio Borges Belo informa Timor-Leste iha posibilidade bo’ot atu envia konkorente ba partisipa iha kompetisaun tinan oin nian, iha area sira hanesan cooking, restaurant services, electrical installation, plastering and drywall system, bricklaying, refrigeration and air conditioning, electronics, wall and floor tiling, welding no seluk tan depende ba ita nia preparasaun.
Atu remata, Delegado Tekniku ne’e, mos akresenta tan katak kandidatu competitor sira ne’e, bele foti husi sentru formasaun profisional sira nebe hetan ona akreditasaun no mos estudante sira husi Eskola Sekundaria Tekniku no Vokasional (ESTV).
Jerente Programa Akreditasaun no Sertifikasaun mos hetan akompañamentu husi Senhora Isabel F. De Lima, Diretora INDMO no Delegado Ofisial Timor-Leste ba WSA, reprezentante sira husi Gabinete do Ministro Coordenador dos Assuntos Económicos (Gab-MCAE), Ministério da Educação, Juventude e Desporto (MEJD), Ministério dos Negócios Estrangeiro e Cooperação (MNEC) no Secretaria de Estado da Formação Profissional no Emprego (SEFOPE).
Partisipa ona iha enkontru tekniku virtual ne’e, mai husi nasaun membru 15 (sanulu resin lima) husi total nasaun membru 26 (ruanulu resinnen).
“Media INDMO”
