PRIMEIRU-MINISTRU TÁUR MATAN RUAK OFISIALMENTE ABERTURA SEGUNDU KONFERENSIA TVET IHA DILI
Segunda- Feira loron 15 Agustu 2022, Sua Exa. Primeiru-Ministru, Taur Matan Ruak ofisialmente abertura ona Konfereinsia Internasional TVET da ruak iha Timor-Leste nebe organiza husi INDMO, I.P no APTC Timor-Leste.
Seremonia abertura ne’e akompaña direta husi Ministru Koordenador ba Asuntu Ekonómiku (MCAE), Eng. Joaquim Amaral, Sekretaria Estadu Formasaun Profisionál no Empregu (SEFOPE) Alarico de Rosário, Embaixadór Australia ba Timor-Leste Mr. William Terrence Costello no Diretora INDMO, I.P. Isabel Fernandes de Lima iha salaun Mahoka Surik Mas Dili, Timor-Leste.
Konferensia ne’e halao ho intensaun mak garante katak sistema TVET Timor-Leste tenke proativu iha adaptasaun tranzisaun husi impaktu politika no sosiál nebe jenera probeza no desigulidade, aumento empregu informal, dezenvolvimentu siensia no teknolojia nebe lori ba revolusaun industria bazeia-ba dijitalizasaun, automatizasaun no intelejensia artifisiál, tranformasaun radikal iha mundu ekonomia nian atu atinji dezenvolvimentu sustentável no amigável ho ambinete no seluk tan. Nune’e nesesidade atu apoia programa formasaun abilidade durante moris tomak atu responde ba nesesidade servisu, apoia kresimentu ekonomia nasaun no nesesidade komunidade nian.
Konferensia ne’e halo módu híbrido ba konferensia ne’e (prezensa fizika virtual/online) no sei halo mos youtube livestremiang. Konfirma ona oradores prinsipal no panelista sira internasional hamutuk nain 20, iha nebe nain 6 konfirma katak sei partisipa via online, hamutuk ho observador nain 3 husi ASEAN Secretariat husi Jacarta, Indonesia.
Orador Internasional sira mak hanesan ILO, UNESCO, SEAMEO, ASEAN, EQAP, APACC, JICA, APTC no UNDP. Konferensia ne’e hetan mos nasional hamutuk nain 14, mai husi MCAE, MJED, MESCC, SEFOPE, SEPC, SEA, SEI, ANETL, TIC, ADTL no mos husi reprezentante setor privado nasionál no internasionál (CCI-TL, HoT no nia membru aliado sira, Timor Plaza, Timor Telecom, Telcomsel; ADB, LD Didactic husi Alemanha; no Victron husi Malazia).
Konferensia ne’e realiza ho fundu Governu Australia liu husi Australia Pacific Training Coalition (APTC) no hetan mos suporte sira husi Hotel Owners Association of Timor-Leste (HoTL), inklui ona Timor Plaza, Timor Lodge, Pelican Paradise, Burger King, Eden Restaurant, no seluk tan; fornesedór telekomunikasaun (Timor Telecom and Telecomsel), Bé Gota; no Sentru formasaun akreditadu nebe oferese kursu turizmu no otelaria (CNEFP) Tibar, STJV Dili, Sentru Vizaun Foinsa’e Dili).
#Media INDMO, I.P#
