MEMBRU KOMISAUN EZEKUTIVA INDMO APROVA ONA PADRAUN KOMPETENSIA SIRA ASOSIA BA JESTAUN FINANSAS PUBLIKAS
Iha 29 outubru 2021, Instituto Nacional de Desenvolvimento Mão-de-Obra (INDMO) Timor Leste, liu husi nia Sorumutu Komisaun Ezekutiva aprova tan padraun kompetensia 14 (sanulu-resin-hat) asosia ba finansas publikas; administrasaun; turizmu ho ospitalidade; no edukasaun no formasaun nian.
Padraun kompetensia sira ne’e nebe foun dezenvolve husi Ministeriu Finansas hamutuk 8 (ualu) iha finansas publikas nian. Sentru Formasaun Polisia iha Comoro mak dezenvolve 1 (ida) iha area edukasaun no formasaun nian. Padraun kompetensia 5 (lima) dezenvolve husi konsultor nebe INDMO kontrata, mak hanesan pekuaria; pastry and bakery; servisus restaurantes; lojistika; eskritoriu; no rekursus umanus.
Membru Komisaun Ezekutiva sira mak Senhor Raimundo Jose Neto, hanesan Vice-Prezidenti Komisaun Ezekutiva no reprezenta Ministeriu Edukasaun, Juventude no Desportu (MEJD, sigla iha Portugues); Dra. Carla Alexandre J. Costa, membru no reprezentante sentru fornesedor formasaun; Eng. Fernando A. Da Silva, membru no reprezentante emprezas no industria nian; no Senhor Francisco da Costa Fernandes, membru no reprezentante sindikatu traballador.
To’o 31 Outubru 2021, INDMO konsege aprova ona padraun kompetensia 15 (sanulu-resin-lima) husi total metas 24 iha tinan 2021 nian. Total padraun kompetensia INDMO aprova ona hamutuk 81 (uanulu-resin-ida) konta husi tinan 2012.
#Media INDMO#
