INDMO HILI MASTER CHEF NAIN RUA HODI PROMOVE HAHAN TRADISIONAL IHA EXPO DUBAI 2021

Dubai, 18 Outubro 2021, Master Chéf António Cepeda husi Sentru Treinamentu  Juventude Comoro no Master Chéf Cesar Lourdes husi Restaurante Mr. Frango halo ona aprezentasaun ha-han ho sabór timorense iha National Day of Timor-Leste iha Expo Dubai, 18 Outubru 2021.

Antes halo aprezentasaun ha-han timorense, Master Chéf sira iha oportunidade vizita industria procesamentu ha-han nian iha Emirates Flights Catering hodi konfirma menu, kompozisaun ingridiente no maneira tein nian hamutuk ho Chéf local.

Ha-han nebe sira aprezenta  hamutuk ho Faragon Restaurante (empreza lokal nebe designa husi Komisaun Organizadora Expo Dubai nian)  iha expozisaun ne’e mak, hanesan katupa; tukir na’an bibi; ikan saboko, hakmerik no ha-han seluk tipika timorense nian.

Master Chef nain 2 ne’e selesiona husi Instituto Nasional de Desenvolvimento Mão-de-Obra (INDMO) hamutuk ho Autoridade Nacional do Expo Dubai 2020 (ANED 2020) no Ministério do Turismo, Comércio e Indústria (MTCI) iha meados tinan ne’e.

“Média INDMO”