KARGU XEFIA HUSI SECRETARIA DE ESTADO COOPERATIVA TUIR FORMASAUN IHA STVJ COMORO
Dili, segunda-feira 13 desembru 2021 Sentru Treinamentu Vokasionál Joventude (STVJ) Comoro nebe akreditadu husi INDMO, realiza Formasaun Professional Sertifikadu nivel IV kualifikasaun Nasionál ba kargu xefia sira husi Sekretariu Estadu Kooperativa (SEKOOP), formasaun ne’e realiza tamba koperasaun tekniku entre SEEKOP ho STVJ Comoro no apoiu husi INDMO.
Formasaun Profissional Sertifikadu nivel IV kualifikasaun Nasionál ne’e abertura Ofisialmente husi Sekretariu Estadu Sua Exléncia Sr. Elizario Ferreira nebe akompaña husi Diretora INDMO Sra. Isabel Fernandes de Lima no Diretor STVJ Comoro Sr. Norberto da Costa iha salaun Formasaun STVJ Comoro Dili.
Prezensa INDMO iha Formasaun STVJ Comoro atu fo Apoiu no fasilita hodi aprezenta materia ba formando sira tuir sesaun nebe mak determina husi STVJ comoro.
Ba oportunidade Diretora INDMO Sra. Isabel Fernandes iha nia diskursu husu ba Formando sira atu partisipa ho masimu iha formasaun ne’e tamba importante tebes.
“Husu ita boot sira atu partisipa masimu iha formasaun ne’e, INDMO sei akompaña nafatin durante formasaun ne’e lao’o, no husi parte INDMO mos sei sita mos kona-ba asuntu tekniku balun tuir orariu nebe STVJ fo’’. Dehan Diretora INDMO iha abertura formasaun sertifikadu nivel IV kualifiksaun Nasionál formasaun iha salaun formasaun STVJ Comoro.
Materia hirak ne’e sei aprezenta husi Diretora INDMO Sra. Isabel Fernandes de Lima, Jerente Programa Sr. Arlindo da Costa, no Sr. Fortunato de Assunção
Total Formando sira nebe mak partisipa iha formasaun ba sertifikadu nivel IV ne’e Hamutuk ema nain sanolu resin sia (19) kompostu husi Diretor jeral, Diretor Nasional no Xefe Depertamentu sira, formasaun ne’e hahu ona iha segunda-feira loron 13 desembru 2021 no sei remata iha 14 Janeiru 2022.
“Media INDMO”
