INDMO PARTISIPA IHA AUDENSIA KOMISAUN D PARLAMENTU NASIONAL
Dili, Iha 11 Novembru 2021, Diretora INDMO Sra. Isabel Fernandes de Lima hamutuk ho Instituisaun Autonomu sira ne’ebe tutela ba Ministru KoordeNAdor Asuntu Ekonomia (MCAE, sigla iha Portugues) partisipa ona iha Audensia ho Komisaun D Parlamentu Nasional iha ambitu apresiasaun ba proposta Lei Orsamentu Jeral Estadu (OGE, sigla iha Portugues) 2022 nian.
Iha nia oportunidade, Diretora INDMO, ba dahuluk aprezenta ba Komisaun D kona-ba ezekusaun programa no atividade institutu nebe atinji ona kuaze 75% husi metas nebe iha no orsamentu nebe atinji ona 51.53% husi total orsamentu alocado USD 650,060 (to’o iha semana dahuluk novembru nian). Previzasaun ezekusaun to’o rohan tinan fiskal 2021 mak 90% metas husi programa no atividades no ezekusaun orsamentu entre 80%-85%.
Liga ho proposta OGE 2022, Diretora INDMO informa ilustre deputadu iha Komisaun D, katak INDMO hetan ona alokasaun orsamentu hamutuk USD 497,529 atu finansia nia programa 2, sub-programa 5, no atividade hamutuk 19.
Prioridade INDMO nian ba tinan 2022 mak hanesan tuir mai ne’e:
- Dezenvolve padraun kompetensia 24 iha alinhamento ho objetivu deskrisaun rezultadu aprendizajen preve ona iha Kuadru Kualifikasaun Nasional no garante integrasaun abilidade sekulu XXI no Revolusaun Industria iha kurikulu formasaun sira;
- Atribui 2,400 sertifikadu kompetensia ho intuitu atu garante aumento nuneru traballador nasional no kualifikadu iha merkadu servisu nasional no internasional konforme sistema sertifikasaun nebe aprova ona, inklui mos liu husi Mutual Recognition of Skills (MRS) entre Timor-Leste no nia nasaun parseriu sira;
- Akredita 29 fornesedor formasaun profisional no 80 kursu husi nivel oi-oin konforme padraun nebe aprova ona no hetan rekonesimentu iha nivel nasional, rejional no global;
- Reforsu parseria ho empreza ki’ik, mediu no boot sira; organizasaun rejional no mundial – APACC, Worldskills Asia-WSA, ASEAN Secretariat, Southeast Ministers of Education Organisation (SEAMEO) no seluk tan ba konsolidasaun sistema ensinu tekniku profesionalizante iha Timor-Leste;
- INDMo enviziona atu sai institutu publiku autonomu nebe forte liu, konsistente, digitalisado, no sustentavel hodi prezerva integridade sistema edukasaun no formasaun tekniku no profisional iha Timor-Leste.
Hafoin termina sesaun aprezentasaun, illustres deputado sira Komisaun D apresia ba servisu INDMO nian no solisita atu kontinua servisu ba garante sistema formasaun profisional nebe ho kualidade-as no garante produsaun mao-de-obra nebe qualificado ba merkadu traballu.
Orsamentu ba tinan 2022, fahe ba kategria 2, mak hanesan Salários e Vencimentos ho montante USD 126,636 no Bens e Serviços ho montante USD 370,893. Orsamentu ba tinan 2022 hetan redusaun kuaze 45% kompara ho orsamentu tinan 2021 nian.
Audensia ne’e lidera husi Exelensia Senhor Deputado Antoninho Bianco, Presidente Komisaun D Parlamentu Nasional no ajensia autonomia sira lidera husi Exelensia Senhor Ministru Koorndeador Asuntu Ekonomia, Senhor Eng. Joaquim Amaral.
Audensia realiza ona iha Sala Grupo Mulheres do Parlemento de Timor-Leste (GMPTL).
“Média INDMO“
