TIMOR-LESTE PARTISIPA IHA SORUMUTU MEMBRU KONSELLU ADMINISTRASAUN SENTRU REJIONAL SEAMEO VOCTECH DALA 32
Dili, 5 Novembru 2021 – Senhora Isabel Fernandes de Lima, Diretora INDMO, nudar mos Membru Konsellu Administrasaun, hamutuk ho maluk membru sira husi Brunei Darussalam, Cambôdia, Filipinas, Indonésia, Lao PDR, Malásia, Myanmar, Singapura, Tailândia, Timor-Leste no Vietname, partisipa ona iha Sorumutu Membru Konsellu Administrasaun Sentru Rejonal SEAMEO VOCTECH dala 32 (tolu nulu resin rua) nebe realiza ona iha loron 27 no 28 outubru 2021.
Sorumutu ne’e ho ajenda prinsipal mak kona-ba atualizasaun progresu servisu husi Sekrtariadu SEAMEO (SEAMES, sigla iha Ingles) no sentru rejional nian no aprova relatoriu ezekusaun programa no atividade Tinan Fiskal 2020-2021 nian, relatoriu ezekusaun orsamentu Tinan Fiskal 2020-2021 no proposta orsamentu ba nebe kobre ba Tinan Fiskal 2022-2023 to’o 2024-2025 no proposta formasaun rejional ba Tinan Fiskal 2022-2023. Membru Konsellu Administrasaun mos apresia ba programa no dokumentu importante sira seluk liga nian edukasaun teknika no formasaun vokasional (TVET, sigla iha Ingles).
Enkontru anual ne’e taka ho E-Forum nebe organiza husi sekretariadu sentru rejional SEAMEO VOCTECH, ho Tema jeral mak “Jestaun Pandemia no Oportunidade TVET iha Era Dijitalizasaun”, realiza ona iha 28 novembru 2021. Hamutuk ho panelistas no orador internasional sira, Diretora INDMO nudar panelista ida husi Timor-Leste, mos iha oportunidade atu partilla kona-ba Timor-Leste nia esperiensia, politika no pratika diak sira nebe foti ona husi Timor-Leste nia ajente sira foti ona kona-ba edukasaun no formasaun nebe reziliente. Introdusaun ensinu, avaliasaun no kontrolu liu husi plataforma online ho fins atu garante kontinuidade fornesimentu mao-de-obra no profisional sira ba merkadu traballu. Senhora Isabel Fernandes de Lima, mos fahe kona-ba nian dezafiu sira iha impementasaun plataforma online no solusaun nebe foti ona. Partisipa mos iha E-forum ne’e, membru konselu administrasaun sentru rejional sira, reprezentante husi korpu diplomatiku, peritu TVET sira, civitas académicas husi estadu membru SEAMEO, parseiru dezenvolvimentu TVET sira, no reprezentante husi empreza no industria.
Sentru Rejional SEAMEO VOTECH estabelese iha 28 Agostu 1990 iha Brunei Darusallam ho nia mandatu mak atu identifika no rezolve problema komun iha ensinu tekniku no formasaun vokasional. Anualmente Sekretariadu Sentru Rejional SEAMEO VOCTECH realiza sorumutu entre sekretariadu no membru konsellu administrasaun designa husi estadu membru SEAMEO nian no hetan nomeasaun husi Presidente Konsellu Ministru Edukasaun.
#Media INDMO#
