𝐈𝐍𝐃𝐌𝐎, 𝐈.𝐏. 𝐏𝐀𝐑𝐓𝐈𝐒𝐈𝐏𝐀 𝐈𝐇𝐀 𝐄𝐍𝐊𝐎𝐍𝐓𝐑𝐔 𝐊𝐎𝐍𝐒𝐄𝐋𝐋𝐔 𝐃𝐈𝐑𝐄𝐓𝐈𝐕𝐔 𝐁𝐀 𝐃𝐀𝐋𝐀-𝟑𝟓 (𝟑𝟓𝐓𝐇 𝐒𝐄𝐀𝐌𝐄𝐎 𝐕𝐎𝐂𝐓𝐄𝐂𝐇 𝐆𝐎𝐕𝐄𝐑𝐍𝐈𝐍𝐆 𝐁𝐎𝐀𝐑𝐃 𝐌𝐄𝐄𝐓𝐈𝐍𝐆)

Brunei Darussalam, 22 to’o 24 Outubru 2024

Diretora INDMO, I.P. no membru Konsellu Diretivu SEAMEO VOCTECH Regional Center, Sra. Isabel Fernandes de Lima, reprezenta Timor-Leste iha Enkontru Konsellu Diretivu ba dala-35 ne’ebé hala’o iha nasaun Brunei.

Iha loron dahuluk, sorumutu anuál ne’ebé reprezentante sira membru estadu SEAMEO nian apresia no aprova relatóriu atividade no orsamentu sira, hamutuk ho prosposta atividade no orsamentu ba tinan tuir mai.

Iha loron daruak, SEAMEO VOCTECH organiza learning sessions ne’ebé permite membru nasaun sira, parseiru no doador sira atu aprezenta nian perspetiva, rezultadu no progressu iha integrasaun green and digital skills iha programas TVET. Diretora Isabel hetan oportunidade atu partilha perspetiva no esperiénsia Timor-Leste nian, inklui enkuadramentu leis, planu, estratéjia no polítika nasionál kona-ba importánsia promove green skills no literasia dijitál hodi kontribui ba dezenvolvimentu sósiu-ekonómiku nasaun, rejionál no globál.

Iha loron ikus, delegasaun Timor-Leste hetan oportunidade atu halo vizita edukasionál no kultural, ne’ebé fortalese relasaun rejionál no parseria sira.

Delegasaun Timor-Leste kompostu husi Diretora INDMO, I.P, Sra. Isabel Fernandes de Lima, Diretór Nasionál Servisu Koorporativu, Sr. Henrique Correia dos Santos, no Asesor Reforsu Institusionál, Sr. Aquiles Salvador Guterres.

Iha tinan kotuk, Timor-Leste mos hetan oportunidade atu organiza SEAMEO VOCTECH Governing Board Meeting iha 2023, hala’o paralelamente ho 1^st Timor-Leste International Skills Week, ne’ebé hala’o hosi loron 23 to’o 27 Outubru 2023, marka ona motivasaun forte Timor-Leste nian atu promove TVET ne’ebé kualidade no inkluzivu iha rejiaun.